女人

面對一些比較情緒化小心眼的女性朋友時，
便開始體會到男人的感受了。
例如﹕每天應付公司的大小事務已經夠令人疲乏，
然而還要忍受一小撮女性朋友的野蠻行為，
我就真是忍無可忍了。(是的，一小撮我也忍受不了!)
心想，沒誠意做朋友的話，
就不要再找我或與我寒暄了。
雖則我外表看來比較隨和，
表面看似什麼也沒所謂，
可是我對人與事確實是很執著的。
(亦難怪友人經常說: 真係估你唔到~)
妳一次對我無禮，
我便在心底裡開始扣分數，
直至最底線為止。
最討厭就是要無故看妳面色受妳的陰騭說話。

又，男友的娘親久不久便提起個錢字。
如﹕見到某女星嫁了個有錢老公便大讚別人叻女~
咳咳…我呢，已當她是小朋友咁教訓。
我會頗直接地對她說﹕妳咁講說話其實好市井下。
小心教壞妳個女，有錢男人唔一定會帶俾妳個女幸福既。
貪字得個貧呀~知沒?!

有女性朋友得悉我這樣講說話，便緊張地說道﹕
妳好大膽呀!!妳咁樣會好蝕底~
我﹕有乜蝕呢? 我行得正企得正，怕什麼??
柴九哥都話，做人最緊要痛快!!!人生有幾多個十年呀!!!
嫁咗又如何，最憎要受別人氣。
有什麼不高興我便會說出來。
我無得救架啦，唔好理我既私人事啦。

其實，伯母佢已經好好人，
有時知我唔高興，講說話都會就住就住。
我想，師奶講說話有時真係無心快語，
又或是出於妒忌。
不能過份計較。
我覺得自己有時都幾刻薄下就真。

男友發口痕笑笑口咁話﹕我媽好似嬲咗你喎~
我回應道﹕當然啦，你咁錫我!!!
男友偷笑~
我係唔係好識講說話呢? 都係睇下對乜人啦~