雜碎

昨晚玩電腦玩夜了，心情便興奮到瞓唔著。
基本上近來都睡得很好，只是不能在睡前1個半小時內玩電腦、
閱讀或煲電話粥。否則會令到情緒高漲到瞓唔到覺。
今日本應是極為燥底的，然而卻出奇地好脾氣好耐性。
也許我開始學會了只想著正面的事，
心裡又不停地找些事來感恩一番。
有望目標能在今年內達成﹗

昨午刻意請了半天假到大學interview，沒有特別奇遇，不過路過時聽見一名教授很細心地教一名女學生怎樣準備以普通話來見工。嗯…我都試下利用他所提道的方法來練習一下演說技巧先得。行得通的話就話你知啦吓。

說回interview，女教授是一名美女，男教授我就懷疑佢係新加坡或馬來西亞華埠。因為…他能說得一口…流利卻帶有印度口音的英語，聽到我滴汗。而且他說話時…都唔敢望人既﹗？騎呢呀﹗﹗幸得美女教授夠醒目，否則我會感到尷尬又不安。

題外話，有很多時我會當男友為我的人肉字典。我相信有不少中文詞語他是聽不懂的，基本上問來都多餘。但我又連查快譯通都懶，所以最終都是死心不息地問他。

例如：
我：請問…知唔知 “圓滑” 既英文係咩呀??
男友：我一時諗唔起呀~ 其實即係點解呀?
我：“圓滑”既意思即係一個人很會講說話但又唔會得罪人囉~
男友：smooth talk 囉~ hahahaha
我：痴線﹗ (好嬲﹗最憎人唔認真地答我問題架啦﹗﹗﹗ )
於是我又耍佢再追問：咁﹗十畫都未有一撇既英文點講呀？？﹗﹗
男友：(怒啤住我)